Andrea, agaw-eksena ang pag-iyak sa Star Awards

AGAW-EKSENA ang speech ni Andrea Brillantes nang tanggapin ang parangal bilang Best Child Performer sa ginanap na PMPC Star Awards for Television. Pinasalamatan niya ang mga nang-bully sa kanya noon at lahat ng hindi naniwala sa kanyang kakayahan.

Emosyonal na inilabas ni Andrea ang hinanakit sa mga nagsabing hindi siya maganda at hindi siya sisikat. Napag-alaman namin na ilan sa kasamahan niya rati sa Goin’ Bulilit ang nambu-bully sa kanya.

Dahil sa nakadadala at bukal sa loob na speech ni Andrea kung kaya’t siya ang pinaka-pinalakpakan ng mga manonood sa prestihiyosong gabing iyon.

Sa kanyang pagtatapos ay lubos ang pagpapasalamat ni Andrea sa programang Annaliza na siyang naging dahilan kung ba’t napansin ang kanyang husay sa pag-arte at ngayo’y kinilala sa pamamagitan ng isang parangal.

Patuloy na ipinamamalas ni Andrea ang kanyang husay sa top-rating primetime family drama naAnnaliza gabi-gabi sa ABS-CBN. Lalong tumitindi ang kuwento dahil hindi na nagpaawat si Stella (Kaye Abad) sa pagsira sa pamilya ni Annaliza. Magtagumpay kaya siya? Maagaw na kaya niya nang tuluyan si Lazaro (Patrick Garcia)? Paano kapag muling bumuwelta si Makoy (Carlo Aquino) para maghiganti?

Huwag bibitiw sa makapigil-hiningang mga eksena sa Annaliza gabi-gabi, bago mag-TV Patrol sa Primetime Bida ng ABS-CBN.

(ROLDAN CASTRO)