HATAW! D'yaryo ng Bayan hatawtabloid.com
DAGDAG sa tiwala at maganda ang aura ng Primetime Queen na si Marian Rivera sa pagkapanalo niya bilang Best Drama Actress ng PMPC Star Awards for TV para sa serye niyang Temptation of Wife.
“Ako agree ako na ‘yung mga na-nominate, manalo matalo, para sa amin panalo kami,”deklara niya.
Sa seryeng napanalunan niya ay nominado rin siya sa Asian TV Awards sa Singapore.
“Pupunta ako para ma-experience kung paano maranasan ang Asian TV Awards. Pupunta ako roon na wala akong..iisipin. Basta ako, gusto ko lang pumunta para maranasan. Manalo man matalo, ang importante, nominado.”
Sinunod daw niya ang payo ng boyfriend niyang si Dingdong Dantes na kahit anong resulta, pumunta siya sa Asian TV Festival.
“So sabi ko, sige attend ako.”
Sasamahan ba siya ni Dong?
“May taping siya, eh, ako lang,” aniya pa.
Ano ang feeling na after Star Awards, Asian TV Awards na ang dadaluhan niya?
“Hindi ko alam, basta masaya ako. Siguro nagkataon lang na na-nominate ako sa Asian TV Awards,” aniya.
Sa pagkapanalo ni Marian bilang Best Drama Actress sa Amaya para sa Enpress (Golden Screen Awards for TV) at ngayon sa PMPC Star Awards for TV ay lalo niyang paghuhusayan ang next serye niya sa Kapuso Network with Alden Richards.
“Magiging inspirasyon ito sa akin na pagbutihin ko ang trabaho ko at ang sarap ng pakiramdam talaga na binibigyan ka ng ganitong karangalan sa mga nagagawa mo,” sambit niya.
Mas malaki ang expectation ng mga tao sa acting niya?
“Ay okey lang, ‘di mas mabuti. At least mas lalo kong pagbubutihin ang trabaho ko,” deklara pa niya.
Talbog!
Roldan Castro
