HATAW! D'yaryo ng Bayan hatawtabloid.com
ITINANGGI ni Kuya Germs Moreno na hindi totoo ang pagbabati nina Jake Vargas at Ken Chan dahil kay Bea Binene. May mga nang-iintriga kasi na nagpaplastikan pa rin ang dalawa kahit inayos na sila ng Master Showman.
Feeling kasi ni Ken ay nabastos siya nang kumanta at mag-finale sina Bea at Jake para sa promo ng album nila ni Bea sa isang mall. Silang dalawa ang magkasama sa album, bakit si Jake ang nasa finale?
Kagagawan daw iyon ng mga namamahala sa recording outfit ni Bea. Ni wala nga silang paghingi ng sorry kay Kuya Germs na pinakanta roon si Jake na walang paalam sa kanya at for free pa yata.
Nasa abroad siya that time pero hindi nila hinintay ang kasagutan ni Kuya Germs bilang manager. Wala rin daw balak si Jake na kumanta sa nasabing event at agawan ng moment si Ken pero how true na ang naturang recording outfit din ang nag-provide ng minus one para makakanta sina Bea at Jake?
Lalo pang nabastos si Ken dahil ang sabi umano ng PolyEast ay hindi ito album nila kundi album ni Bea. Teka-teka, paano mo sasabihin ‘yun samantalang sa 10 kanta ay anim ang kinanta roon ni Ken, dalawang solo at apat ang duet nila ni Bea.
Paki-explain nga at paki-clear PolyEast Records?
Roldan Castro
