HATAW! D'yaryo ng Bayan hatawtabloid.com
GAMAY na gamay na ni Luis Manzano ang pagiging host niya ng Minute To Win It! matapos na masalang na siya sa sari-saring game shows sa ABS-CBN kaya hindi nakapagtataka na siya ang magwagi sa nasabing kategorya sa katatapos na Star Awards for TV.
At kung hosting sa game/quiz show ang pag-uusapan, pumapasok na ngayon sa ligang ‘yan ang aktor na si Aga Muhlach na sinanay muna sa pag-iikot niya sa iba’t ibang parte ng mundo sa Pinoy Explorer ng TV5. At ngayon, muling binigyan ng tsansa sa Let’s Ask Pilipinas! na napapanood gabi-gabi, 7:00 p.m..
Nakausap namin si Aga sa kanyang game/quiz show sa studio nito sa Novaliches. In his elements ang aktor sa pakikipag-kuwentuhan at laro sa mga contestant na kinakausap niya sa iba’t ibang lugar kung nasaan ang mga ito—sa Batangas, Valenzuela at iba pa.
“Landi” ang sabi namin sa pagpapa-kilig niya sa dalawang lady contestants.
So, hindi ba ito pinagseselosan ng misis niyang si Charlene?
“No reason para magselos. Papunta na kami sa 13th year namin. Malalaki na sina Atasha at Andres. Ang alam ko lang, we came na to that point na para na lang kaming magkaibigan. But I know, after the kids have grown, babalik na uli ‘yung alam mo na…the passion, the romance na naisasantabi lang naman. Kaya ang hinahanap mo na kasunod eh, hindi muna nangyari. At para naman kasi sa amin, with the kambal, kuntento kami dahil kompleto na. Pero, kung may ibibigay pa rin si Lord, siyempre, it’s going to be a blessing!”
So, let’s ask nga Pilipinas, ano sa tingin nila ang magiging dahilan para magkaroon uli sila ni Charlene ng baby? a. bakasyon sa ibang bansa b. more room sa kuwarto nila?
Ang makasagot? Sabi ni Aga, ‘pag may naka-get ng half a million, magbi-breakdance siya, eh. Sa tanong na ito—‘am sure, isang ma-AGA’ng Pamasko!
Pilar Mateo
