Mga interview ni Megan sa Good Morning America at BBC, kahanga-hanga

NAPANOOD namin iyong interview kay Megan Young sa Good Morning America. Iba talaga ang naging dating ni Megan simula noong manalong Miss World. Makikita mo sa kanya ang self confidence, and in fairness, matalino siya talaga. Sigurado, mas marami ang humanga sa kanya dahil sa interview na iyon.

Hindi namin napanood ang naunang interview din sa kanya ng BBC na sinasabi nilang napakahusay din ng kanyang pagkakasagot.

Nakatutuwa naman iyang mga ganyan, at least nakababawi tayo. Kasi kamakailan lang iyong interview ng CNN sa mga matataas na opisyal ng ating gobyerno, talagang nakahihiya dahil wala sa punto ang kanilang naging mga sagot. Halata mong hindi nagsasabi ng totoo.
Ed de Leon