HATAW! D'yaryo ng Bayan hatawtabloid.com
ILANG araw naming tinatawagan at itine-text ang mga taga-ABS-CBN Corporate Communication tungkol sa tinatanong naming official statement sa hindi pagre-report niKorina Sanchez sa TV Patrol at hindi nito pag-upo sa radio program niyang Rated Korina sa DZMM ay finally tinext back na rin kami noong Martes ng gabi ni Mr. Kane Choa.
Sabi ni Kane sa kanyang mensahe, ”wala (official statement), nai-interview kanina si Korina sa DZMM, you can quote her based on the interview.”
Anyway, naisip din namin na kung totoong suspended o pinagbakasyon nga si Korina, ‘di ba dapat ay may ipinadadalang official statement ang ABS-CBN management para maliwanagan ang lahat?
At habang tinitipa namin ang balitang ito ay nakatanggap kami ng tawag na ayaw ipabanggit ang pangalan at klinaro ang nasulat namin dito sa Hataw noong isang araw na pinagbakasyon si Korina.
“Reggs, hindi po totoong pinagbakasyon si Korina, kasi she’s working now for her ‘Rated K’ episodes.
“Nasulat po kasi ninyo na pinagbakasyon siya, it’s not true po, of this moment po, she’s on her way to Iloilo at Zamboanga, kagagaling lang po niya ng Capiz for her ‘Rated K’ episodes,” paliwanag sa amin.
Sabi pa, ”kasi kung pinagbakasyon po siya, dapat wala siyang ginagawa, eh, tuloy-tuloy pa naman po ang trabaho niya, in fact she is doing her own relief goods na nanggaling po sa bulsa niya at not from anybody. This will be aired sa ‘Rated K’ po.”
Tama rin naman dahil kung totoong pinagbakasyon si Korina, bakit nga siya gumagawa ng istorya para sa Rated K? Hindi ba kung nakabakasyon dapat namamasyal lang, ano sa palagay mo Ateng Maricris?
Eh, kailan ba babalik si Korina sa TV Patrol at sa Rated Korina?
“Anytime soon po. Puwedeng mamaya or tomorrow,” kaswal na sabi sa amin.
