HATAW! D'yaryo ng Bayan hatawtabloid.com
MARAMI ang nagtutulong-tulong ngayon upang muling maka-bangon ang mga lugar na sina-lanta ng Bagyong Yolanda na isa sa pinakamalakas na tumama sa ating bansa. Sabi nga, may kanya-kanyang kuwento ng kabayanihan, human drama at pagmamalasakit sa kapwa ang nakita at lumutang habang nangyayari ang mga kaganapang ito.
Sa showbiz world, nakatataba ng puso na mga TV networks tulad ng ABS CBN, TV5, GMA-7 at iba pa ay nagsagawa ng kani-kanilang telethon at fund raising event upang makalikom ng pondo at maibigay sa mga kababa-yan nating sinalanta ng bagyo. Ang mga artista naman natin, sa kanilang indibidwal at sariling kusa ng pagtulong ay nakitaan din ng nakabibilib na pagkilos at pagdamay sa mga kababa-yan natin.
Partikular na nakabibilib sa laki ng ibinigay na donas-yon sa mga biktima ng Yolanda sina Willie Revillame at Sharon Cuneta na kapwa nagbigay ng tig-10 milyon pisong donasyon. Si KC Concepcion naman ay P5 milyon ang ibinigay, kaya masasabing like mother like daughter sila ni Megastar. Si Angel Locsion ay nagbigay naman ng kotseng ipana-auction.
Marami pang mga artistang nag-fund raising, nag-garage sale, at nagbenta ng kung ano-ano para lamang makalikom ng pangtulong sa mga nabiktima ni Yolanda.
Gayonman, may mga na-ging nega rin naman sa mara-ming tao. Kabilang dito sina Ms. Korina Sanchez at VP Jejomar Binay.
Napitik nang gusto ng mga netizen si Korina nang magkomento siya sa kanyang programa sa DZMM sa umano’y na-ging pahayag daw ni Anderson Cooper ng CNN ng pagtuligsa sa gobyerno ng Pinas dahil sa palpak na pag-handle sa relief operations at pag-rescue sa pagtulong a mga biktima sa ma-tinding kalamidad na ito.
Sinasabi ng marami na hindi dapat umiral ang pagiging bias ni Korina habang ginagampa-nan ang kanyang tungkulin dahil nandoon siya sa DZMM bilang miyembro ng media at hindi asawa ni DILG Secretary Mar Ro-xas. Na pati ABS CBN daw ay nadadamay dahil sa pagiging bias ni Korina at ito raw ay nakaaapekto sa kredibilidad ng estasyon na kanyang inire-represent.
Pati ang pagsulpot sa social media ng mga tsinelas na may tatak na Korina-Rated K ay kumalat din sa internet. Although hindi tayo nakatitiyak kung bago nga ang picture na iyon o dati na at kung ito ay ipinamigay din sa mga biktima ng bagyong Yolanda o pinaglaruan lang ng mga henyo at intrigero sa internet.
Isa pang kumalat na balita ay ang pagsuspinde raw ng ABS CBN ng one week kay Korina, pero pinalalabas lang daw na nagbabakas-yon ang sikat na news anchor at TV host. Although, ang balitang ito ay hindi kom-pirmado.
Si VP Binay naman ay nakatikim ng batikos nang lumabas din sa social media ang mga package ng relief goods na mayroong pa-ngalan niya.
Ayon naman sa kampo ni VP Binay, ang naturang relief package na may Binay sticker ay mula raw sa supporter ng Bise Presidente na taga-Iloilo.
Subalit ang buwelta naman ng netizens, malinaw na palusot lang ito dahil paano nakakuha ng stickers na Binay ang supporter ni-ya? Isa pa, may naretratohan din na truck na may dalang relief goods na may tarpaulin pa ng nakangiting photo ni VP Binay. Kaya obvious daw na talagang ibi-nabando ng kampo ni Binay na namimigay sila ng relief goods para sa kanyang pansariling political interest.
Well, nasanay na yata kasi ang mga trapo o politician na kapag nagbibigay sila, kaila-ngang ipaalam o i-broadcast sa madla, para may extra pogi points sila. Pero this time, nag-backfire at lumatay nang husto kay VP Binay.
Hopefully sa susunod, isip-isip din muna po kapag gustong magpapogi. At sana kung tutulong, dahil gusto talagang maibsan ang paghihirap ng mga biktima ng kalamidad at hindi dahil sa target na boto sa darating na eleksiyon.
Nonie V. Nicasio
