Ser Chief, ‘naunahan’ pa si jolo kay maya (Honeymoon sa Japan, kaabang-abang)

KASALUKUYAN kaming nanonood ng kasal nina Ser Chief (Richard Yap) at Maya (Jodi Sta. Maria) episode ng Be Careful with my Heart kahapon nang biglang may mag-text sa amin na katotong, ”Reggs, ‘pareho kami ng wedding gown ni Maya.”

Sinagot namin ng, ‘talaga, ibig sabihin, mahihiwalay din si Maya kay Sir Chief?’ Kasi ang katotong nag-text na pareho raw sila ng wedding gown ng aktres ay matagal ng hiwalay sa asawa, pero in speaking terms sila ng husband.

At naalala naman namin na sa nasabing Cathedral naman sa Taal, Batangas naman ikinasal ang dating mag-asawang Ogie Alcasid at Michelle Van Eimeren na may kanya-kanyang mahal na rin sa buhay ngayon.

Ibig sabihin Ateng Maricris, maghihiwalay din sina Ser Chief at Maya sa istorya ng Be Careful with my Heart?

At heto pa, naunahan na rin ni Ser Chief si Jolo Revilla na pakasalan si Maya at take note Ateng Maricris, ilang beses nag-kiss sina Richard at Jodi, huh.

Alam naman nating eksena lang iyon sa BCWMH pero nakatutuwang isipin na bagay din sina Richard at Jodi kung sakaling pareho silang single, ‘di ba Ateng Maricris? (Naman!!!-ED)

Excited na rin ang lahat kung ano-anong eksena naman ang ipakikita sa honeymoon trip ng dalawa sa Japan.
Reggee Bonoan