HATAW! D'yaryo ng Bayan hatawtabloid.com
MASUWERTE si MJ Cayabyab, ang pinakabagong balladeer ng Viva na ipinakilala noong Huwebes ng gabi dahil nabigyan siya ng pagkakataong maipakita pa at mapalawig ang talento.
Nalaman naming dalawang taon ding sumali-sali sa reality show si MJ, 19, at nagmula sa South Cotabato. Hindi man pinalad, nagkaroon naman ng pagkakataon na may makakita sa kanyang talent na siyang daan para maging maisakatuparan ang pangarap na maging singer.
Pinapirma siya ng Viva ng limang taong kontrata at ito ay sa pamamagitan ng kanyang road manager na si Tom Adrales na naging daan para maipakilala kay Boss Vic del Rosario.
“I was so happy when I met Boss Vic because I felt that my dream is slowly becoming a reality,”sambit ni MJ na naglunsad ng kanyang self-titled album na available na ngayon sa mga record bar at release ng Viva Records.
Nakapaloob sa album ang limang original composition tulad ng Dahil Sayo (by MJ); Kahit Ika’y Nagbago (by Tito Cayamanda); at Mahal Na Mahal Kita (by Vehnee Saturno) at ang dalawang revival songs na Larawang Kupas at Muntik Na Kitang Minahal.
“As a singer, I’m really into love songs. You can easily feel the lyrics of the songs and relate with it because it comes from the heart. I tried other types of songs before pero hindi ko masyadong maramdaman ang meaning ng song. And when I compose the song ‘Dahil Sayo’, it took me only a day to finish it. I based it from a story of a friend. Although sometimes nahihirapan ako gumawa ng ending. But with this song mas naging madali sa akin,” sambit pa ni MJ.
Maricris Valdez Nicasio
