HATAW! D'yaryo ng Bayan hatawtabloid.com
UMAASA ang singer/songwriter na si Ogie Alcasid na darating ang time na magkakatrabaho muli sila ng kaibigan/kumpare na si Michael V. sa isang comedy sitcom.
Naging espesyal kasing panauhin si Ogie sa Killer Karaoke na si Michael V. ang host.
Ani Ogie, game na game siya sa challenge na ibinigay sa kanya ng show na kinukuryente habang kumakanta ng Pusong Bato na mapapanood sa Nov. 18, 8:30 p.m. sa TV5. Ginawa raw niya iyon dahil na rin kay Michael V.
Dagdag pa nito, matagal-tagal na rin daw silang hindi nakapagtatrabaho ni Michael V . pero hindi naman daw naputol ang kanilang komunikasyon dahil palagi pa rin naman silang nag-uusap by phone at nagkukumustahan.
Very honest pa ngang sinabi nito na humihingi siya minsan dito ng pointers sa ginagawang pagpapatawa at hindi siya nahihiyang sabihin ito dahil ‘yun naman daw ang totoo. Darating din daw ang oras na magkakasama silang muli, hindi lang alam ni Ogie kung saan at kung kailan, pero alama niyang mangyayari ‘yun.
Kcee at Ron ng UpGrade, pinasok na ang pag-arte
FROM singing and dancing ay pinasok na rin ng ilan sa miyembro ng pinakasikat na all male group sa bansa, ang UpGrade na sina Kcee Martinez at Ron Galang ang pag-arte.
Napanood nood si Kcee Valiente, Maynila, at Makapiling Kang Muli, samantalang napapanood naman ngayon sa Got To Believe si Ron bilang isa sa kabanda ni Daniel Padilla.
Pero kahit umaarte na ang dalawa ay hindi naman daw nila iiwan ang kanilang grupo. Katunayan, kasama silang magso-show sa Nov. 16 sa SM Tarlac; Nov. 17 SM Taytay; Nov. 30 SM Lipa kasama ang Full Force at ang Japaneses/Pinoy singer na si RYU Morikawa at sa Glorieta 4 (One Direction album launch and Grand Fans day) .
John Fontanilla
