Pagtataray ni Arnold sa abogado ni Napoles, umani ng batikos

NALOKA kami nang mapanood ang panayam ni Arnold Clavio sa lawyer ni Janet Napoles na si Atty. Alfredo Villamor sa Unang Hirit.

Pauli-ulit naming pinanood sa You Tube at nabastusan talaga kami.

Arogante ang dating ni Igan at  parang ‘di professional ang atake.

Ilan sa mga sinabi niya  habang kinakapanayam  ang nasabing lawyer ay,

“Nakakasira ka ng araw, eh!,” medyo tumaas niyang boses.

“Patawa-tawa ka pa!,” hirit pa niya kay Atty.

Nang tapusin niya agad ang panayam sey pa ni Arnold: “Hala sige po salamat po wala akong nakuha sa inyo..salamat po.”

Tama ba naman ang ginawa ni Igan? Feeling namin ‘yung code of ethics as a newscaster nawala.

Hindi naman format ng Tulfo Brothers ang show niya para gumanyan siya. Ang Tulfo ganoon ang style pero si Clavio, hindi ganoon.

Nabuking tuloy ang tunay niyang ugali.

Paano niya ipaliliwanag ngayon ang inasal niya? Para siyang niregla at mainit ang ulo samantalang umagang-umaga,’yun, huh!

Sa true lang, siya ang nakasira ng araw.

Trending na siya ngayon sa social media dahil parang pasuweldo lang niya ang  kausap niya. Hindi niya na-control ang temper niya. Very unbecoming sa isang Arnold Clavio kaya katakot-takot na hindi magandang reaksiyon ang ibinabato sa kanya.

Dapat talaga hindi siya maging rude dahil naglaan ‘yung tao ng oras at nagpaunlak na magpa-interbyu tapos babastusin lang.

Kung magaling siyang interviewer, sa pagkakataong ‘yun ay bumagsak siya dahil hindi niya na-handle nang tama.

Ano kaya ang hakbang na gagawin ng GMA News and Public Affairs head na si Marissa Flores at ng News programs head na si Jessica Soho sa inasal ni Arnold?

Roldan Castro