HATAW! D'yaryo ng Bayan hatawtabloid.com
AMINADO si JC de Vera na kinakabahan siya sa kanyang unang project sa ABS CBN na pinamagatang The Legal Wife. Sinabi ni JC na matindi ang kanyang pressure na nararamdaman lalo’t magagaling ang mga kasama niyang bituin dito tulad nina Jericho Rosales, Maja Salvador, at Angel Locsin.
“First time kong makasama itong mga ganitong klaseng artista until now ako’y overwhelmed pa rin at ‘yun nga very nervous pa rin, kasi hindi ko alam kung gaano kagagaling itong mga ito,’ saad ng aktor.
Gayunman, umaasa si JC na magiging maganda ang pakikipagtrabaho niya sa mga kasamahang bituin sa Dos. Ayon pa sa aktor, umaasa siyang marami siyang mapupulot na technique sa pag-arte sa mga kasamahan niya rito.
Idinagdag pa niyang masaya siya sa experience na makatrabaho ang mga co-star niya rito. “Happy ako na nakasali ako sa kanila kasi nga magandang experience itong unang show na gagawin ko kaya very blessedtalaga ako,” saad pa ni JC.
Nonie V. Nicasio
