Everything About Her, most important at tiyak na record breaking movie ni Vilma

KAHIT hindi namin nakausap ang dear-idol-friend kumare naming si Star for All Season na si Ate Vi (Gov. Vilma Santos) during the grand presscon of Everything About Her, just seeing her is enough.

Bongga kasi ang naturang presscon sa dami ng mga inimbitang friends from media, plus Ate Vi’s loyal supporters, ang mga ehekutibo ng Star Cinema at ibang ABS-CBN people, kaya’t kahit dumaan na sa tabi namin at binati namin ang Star for All Season, alam naming “generic” na ‘yung balik-bati niya hahaha!

Nagkataon kasing may teleradyo show kami that Sunday kaya’t ibinida na lang namin sa DZMM ang nasaksihan at napanood naming trailer ng movie na siyang opening salvo ng number one movie outfit ng bansa.

Hindi pa man ito naipalalabas (to open on Jan. 27), sa tindi ng feedback at lakas ng word of mouth, wish din naming maihilera ito as among Ate Vi’s most important and record-breaking movies.

AMBETIOUSLY – Ambet Nabus