Ritz, bibigyan agad ng sariling teleserye ng Dreamscape

KAYA naman pala guest star lang si Ritz Azul sa FPJ’s Ang Probinsyano ay dahil bibigyan siya ng Dreamscape Entertainment ng sarili niyang teleserye.

Yes Ateng Maricris, akala ko pa naman ay baka may twist ang role ni Ritz bilang Erica na siya ang leading lady na ni Joaquin o Arjo Atayde o kaya ay kapatid siya ni Carmen (Bela Padilla), hindi pala.

Anyway, kuwento sa amin ng aming source na may storycon si Ritz ngayong linggo para sa pagbibidahan nga niyang teleserye at tinanong namin kung sino ang leading man pero hindi kami sinagot.

Binanggit namin ang pangalan ni Paulo Avelino na posibleng maging leading man ni Ritz dahil bagay din naman sila at nabanggit din ng dalaga na gusto niyang makatrabaho ang aktor bukod kina Coco Martin at John Lloyd Cruz noong makausap namin siya sa set visit ng Ang Probinsyano.

Anyway, nabanggit sa amin na puring-puri si Ritz ng production staff ng Ang Probinsyano dahil masunuring bata at willing matuto.

FACT SHEET – Reggee Bonoan