Sa China, dalagang ina bubuwisan nang malaki

NAGNINGAS ang galit sa lungsod ng Wuhan sa China sanhi ng plano na buwisan nang malaki ang mga dalagang ina.

Iniulat ng Wuhan state media na nagpanukala ang pamahalaang  lungsod  na  ipapatupad ang ‘social compensation fees’ sa mga inang walang asawa at yaon ding mga babaeng may supling sa mga lalaking may asawa na.

Ipinilit ng mga family-planning official dito na ang proposisyon ay may kahalagahan sa pagmamantina ng mababang birth rate sa kabisera ng Hubei province, at para na rin paigtingin ang programa sa family-planning ng pamahalaang nas-yonal.

Nagbigay ito ng pressure sa kababaihan na may mga anak na labas sa pag-aasawa at ilang araw pa lang napabalita ito ay nasagip ang isang sanggol na lalaki sa Zheijang province na nahulog sa loob ng isang sewer pipe.

Nagkaisa ang mga kritiko ng panukalang lehislas-yon laban sa plano ng lungsod na ipatupad dahil makadaragdag na pasanin umano ang batas sa mga problema ng mga dalagang ina.

Anila, ang mga tangka ng pamahalaang lungsod na sakupin ang kontrobersiyal na aspeto ng moral behavior ng kababaihan ay maa-aring magbunsod ng mas malaking bilang ng aborsi-yon at pag-aabandona ng mga batang isinisilang na walang ama o magulang. Ayon kay Wang Quiong, pro-pesor sa Wuhan University, ang po-lisiya ay “ridiculous,” at idiniin din niya ang pagbibi-gay-pansin sa kalagayan ng mga babae na nagdesisyong magkaanak sa pamamagitan ng in-vitro fertilization.

Kinalap ni Tracy Cabrera