Toni at Paul, nakabuo na ng baby

“FIRST trimester daw, eh, so ilang buwan ‘yun,” ito ang sabi sa amin ng kampo ni Toni Gonzaga-Soriano noong i-text namin kahapon kung ilang buwang buntis na ang TV host/actress.

Sabi namin, “eh, di tatlong buwan.”

Matatandaang noong Hunyo 12, 2015 ikinasal sina Toni at Direk Paul Soriano at posibleng Oktubre palang ay nakabuo na ang mag-asawa ng kanilang magiging panganay.

Nabanggit din na ito rin daw ang rason kung bakit on and off ang tapings ng Written In Our Stars na pagbibidahan nina Toni, Sam Milby, Jolina Magdangal, at Piolo Pascualdahil minsan ay masama ang pakiramdam ng TV host/actress.

“Noong una hindi pa kasi sure, pero noong nagpa-check up na, ‘yun nga buntis na,” sabi pa sa amin.

Paano na ang Written In Our Stars tuloy pa rin ba?

“Oo tuloy pa rin, papalitan na malamang si Toni kasi hindi naman siya puwedeng magpuyat at mapagod,” sabi ng kampo ng TV host/actress.

Akala namin ay hihintayin si Toni na manganak at saka itutuloy ang Written In Our Starstulad ng nangyari kina Richard Yap at Judy Ann Santos na hihintayin ang huling makapanganak.

“’Yun naman, hindi pa nag-start mag-taping kaya puwedeng maghintay, eh, itong ‘Written In Our Stars’, naumpisahan na, actually, hindi ko alam anong mangyayari,” pahayag sa amin.

Tuloy-tuloy pa rin daw si Toni sa mga programa niya sa ABS-CBN tulad ng ASAP20 na isa na siya sa main host maliban lang sa serye kasi nga puyatan blues ito.

Samantala, kung hindi magbabago ang plano ng mag-asawang Toni at Direk Paul ay saASAP20 daw nila ia-announce na magkakaroon na sila ng baby.

FACT SHEET – Reggee Bonoan