HATAW! D'yaryo ng Bayan hatawtabloid.com
ni Letty G. Celi
GRABE ang dating ng 16 year old at new face na dalagitang ito sa larangan ng musika at napaalsa ang puwet ko sa pagkaka-upo habang kumakanta at gumigiling ang magandang balakang sa ibabaw ng stage center ng Farmer’s Market. Galing kumanta. BirItera!
Ang pangalan ng magandang bagets ay si Shan Moreles. Palaban siya basta kantahan ang pinag-uusapan. Akalain ba ni Shan na magbubunga ng napakaganda ang pangarap at hilig niyang pagkanta?
Two years old pa lamang daw siya eh kumakanta na. Simula noon ay nakababad na siyang palagi sa videoke. Kasalanan ba niyang naging fan ni Sarah Geronimo? Heto ngayon at isa na siyang recording artist under RSR Music Recording Studio at mayroon nang album na naglalaman ng mga awiting Wagas at Totoo, Facebook, Can’t Live Without You, Ang Sabi Mo Sa Akin, at Puso’y Lito. Mga komposisyon ito ni Ariel Batausa.
Hindi raw niya expected na mapapabilis ang pagiging recording artist niya at lahat daw ng nangyayari sa kanya ay iniaalay sa kanyang pamilya especially all out ang support nila sa kanya. Basta ang gusto lang ng parents niya ay hindi pabayaan ang pag-aaral.
Graduating si Shan sa high school sa Yverdon de Pestallozzi School sa San Jose del Monte, Bulacan.
May isa pang pinagkakaabalahan si Shan, ang radio program sa DZME 1530, ang Showbiz Sabado, na co-host siya ni Direk Elmer de Vera at Edzel Cardil.
