Bea at Maricar, pinagtatawanan ang kanilang tarayan at awayan sa Sana Bukas Pa Ang Kahapon

WALA kay Bea Alonzo bilang si Rose/Emmanuel ang mga maiinit na tarayan nila ni Maricar Reyes bilang si Shasha sa seryeng Sana Bukas Pa Ang Kahapon na napapanood gabi-gabi sa ABS-CBN.

Say ni Bea, “nag-eenjoy kami lagi ni Maricar tuwing nag-aaway at nagtatarayan kami sa mga eksena namin bilang sina Sasha at Rose.”

Kuwento ng aktres nang mag-renew siya ng two-year contract sa Kapamilya Network, “nakatutuwang gawin ‘yung away scenes dahil sa totoong buhay hindi namin ‘yun ginagawa. Challenge para sa amin na gawing kapani-paniwala sa viewers ‘yung tarayan at sagutan namin.”

Kabaligtaran sa alitan ng kanilang mga karakter, kuwento ni Bea na maayos ang samahan nila off-cam ni Maricar at ng kanyang leading man na si Paulo Avelino na gumaganap sa kuwento bilang si Patrick, ang lalaking kapwa mahal nina Rose at Sasha.

“Lagi kaming nagtatawanan nina Maricar at Paulo sa set. Dahil sa soap na ito, mas naging close kami sa isa’t isa,” say ng aktres.

Anyway, hindi na papipigil pa si Rose sa kanyang paghihiganti sa lahat ng taong sumira sa buhay niya. Paano ipagpapatuloy ni Rose ang plano laban kina Sasha at Patrick ngayong may nararamdaman pa rin siya para sa kanyang asawa? Mapagtatagumpayan pa rin ba niya ang paghahanap sa tunay na pumatay kay Emmanuelle at sa kanyang ama?

Mula sa Dreamscape Entertainment Television, ang Sana Bukas Pa Ang Kahapon ay kuwento ng dalawang magkaibang babae na naghahangad na makamit ang hustisya mula sa direksiyon nina Trina Dayrit at Jerome Pobocan.

ni Reggee Bonoan