Daniel at Kathryn, sinuportahan ng fans kahit bumabagyo

BUONG-buo ang suporta ng fans nina Daniel Padilla at Kathryn Bernardo sa ginanap na premiere night ng She’s Dating The Gangster noong Martes ng gabi dahil sa tatlong sinehan ito ipinalabas.

Sitsit sa amin ng ilang supporters ng KathNiel, ”excited po kami Ms Reggee kasi tatlong sinehan ang premiere night ng ‘She’s Dating The Gangster’ at least marami kaming fans na makakapasok at makakapanood.

“Alala po kami kasi baka hindi ma-accommodate ‘yung iba kasi limited seats lang, kaya nakakatuwa po kasi tatlong sinehan. Sana nga po matupad ang sinabi n’yo na malampasan namin ‘yung P430-M ng ‘Starting Over Again’.”

Nagtanong kami sa taga-Star Cinema kung ngayon lang nangyari sa kanila na tatlong sinehan ginanap ang premiere night ng pelikula nila.

“Yes, but only because the two cinemas are sponsored/branded,” sabi sa amin ng isa sa bossing ng nasabing movie outfit.

Inamin din ng kausap naming taga-Star Cinema na na-pressure rin daw sila sa sinasabi naming posibleng maungusan nga ng SDTG ang SOA.

Ha, ha, ha ha, naaliw kaming bigla.

Sa tingin mo ateng Maricris, malalampasan nga ba ng She’s dating The Gangster ang Starting Over Again?