HATAW! D'yaryo ng Bayan hatawtabloid.com
NILINAW ng Pagasa na hindi nagbalik ang summer season sa kabila ng nararanasang mainit na lagay ng panahon.
Ayon sa Pagasa, nasa “monsoon break” ang panahon sa ating bansa ngayon.
Paliwanag ng mga eksperto, humina ang habagat habang ang mga kaulapang inaasahang maghatid ng ulan ay nahatak na ng mga dumaang sama ng panahon, kabilang na ang bagyong Ester at tropical storm Hagibis sa labas ng ating bansa noong nakaraang mga araw.
Dahil dito, posibleng muling bumaba ang antas ng tubig sa mga dam kung magpapatuloy ang mainit na lagay ng panahon.
Gayonman, nasa panahon pa rin ng tag-ulan ang Filipinas kaya asahan ang pagbabalik ng ulan sa susunod na mga linggo.
