Sam, lagare sa Dyesebel at The Gifted, kaya enjoy kay Anne

ni Reggee Bonoan

HINDI na natutulog si Sam Milby at mukhang sa sasakyan na lang siya nagpapahinga dahil sa tuwing tatanungin namin ang Cornerstone staff na si Caress Caballero ay hindi raw niya napagkikita at nakakausap ang aktor dahil lagare sa tapings ng Dyesebel at shooting ng The Giftedna joint produce ng Viva Films at Star Cinema.

Monday, Wednesday, Friday daw ang taping ng Dyesebel at Tuesday, Thursday, Saturday naman daw ang shooting ng The Gifted at ‘pag araw ng Linggo na pahinga sana ng aktor ay nasa ASAP 19siya.

Base naman sa nakikita naming naka-post na pictures ni Sam sa tapings at shootings ay parang hindi pa naman siya nangangalong-mata kaya mukhang okay siya at enjoy na bisi-bisihan bukod pa sa isang linggo niyang kasama ang ex-girlfriend na si Anne Curtis na leading lady niya sa parehong project.

At kapag break sa tapings/shootings ay naggi-gitara si Sam habang kumakanta pampawala ng inip at antok siguro.

Samantala, excited na si Sam sa darating na Setyembre para sa intimate concert niya na gaganapin sa Samsung Hall, SM Aura, Taguig City.