HATAW! D'yaryo ng Bayan hatawtabloid.com
ni Reggee Bonoan
SPEAKING of Deo T. Endrinal ay tinanong namin siya nina katotong Vinia Vivar at Ateng Maricris bilang isa sa manager ni Kris Aquino kung bakit hindi siya natuloy gumawa ng pelikula sa Regal Entertainment kasama si Derek Ramsay.
Ang natatawang kuwento ni sir Deo, “nanguna kasi siya (Kris), hindi muna nagpaalam (ABS-CBN management) bago siya nakipag-commit sa Regal, eh, alam mo naman, dapat kasi ipagpapaalam mo pa ‘yan.
“May mga pirma-pirma pa, consent na pinapayagan siyang (Kris) gumawa (pelikula sa Regal), eh, nanguna, kaya hayan, hindi pinayagan.
“Pero kung ipinagpaalam muna niya, papayagan si Kris. Buti na lang hindi ako sumama, or else, baka pati ako napagalitan. Hindi kasi ako pumuwede that time, hayun, tumuloy siya,” kuwento ni sir Deo.
Ayon pa kay sir Deo ay matutuloy din naman ang project ni Kris sa Regal, hindi nga lang niya alam kung kailan.
Samantala, ang sinasabing pelikulang pagsasamahan nina Kris at Coco Martin na entry sa 2014 Metro Manila Film Festival ay ang ikalawang yugto ng Feng Shui na idinirehe ni Chito Rono noong 2004 na kumita ng P137-M.
Say nga ni sir Deo na pagkalipas ng 10 taon ay mapapanood ang part two at mga bagong hayop na naman daw na may kinalaman sa Feng Shui ang ipakikita sa pelikula.
“Itutuloy lang kung saan nagtapos ‘yung kuwento ng ‘Feng Shui’ rati,” sabi ni sir Deo.
At dahil natsugi si Jay Manalo bilang asawa ni Kris sa unang yugto ng Feng Shui kaya si Coco ang leading man ng Queen of All Media.
