PUSH NA’YAN
ni Ambet Nabus
ITONG si Liza Soberano, kahit hindi na based ang career sa bansa ay nakakakuha pa rin ng showbiz updates noh.
Biglang napa-the who nga ang marami sa name na Jeffrey Oh dahil pareho raw itong ini-unfollow ng aktres kasama ni Enrique Gil.
Hangga’t naaalala nga ng netizen na si Jeff ‘yung nanloko ng daang milyon kay James Reid at balitang naging bf din ng aktres noong magkakasama pa sila sa music company/label ni James.
Si Jeffrey din umano ang dahilan kung bakit nagkalabuan sina Quen at Liza, at kung bakit mas pinili ng aktor na gumawa ng series outside his ABS-CBN home.
May mga nagsasabing kahit nakatikim na ng Hollywood spotlight si Liza ay malayong-malayo pa rin ito sa kasikatan niya noong nasa ‘Pinas siya.
May mga nagsasapantaha ngang baka may balak na gumawa raw ng project sa bansa ang aktres kaya nag-iingay ito?
