HATAW! D'yaryo ng Bayan hatawtabloid.com
ni Rommel Placente
MUNTIK na palang magkaroon ng relasyon noon sina Bangs Garcia at Sam Milby. Naudlot lang ito noong pumasok sa Pinoy Big Brother si Sam.
Nagkakilala ang dalawa noong pareho silang naging contestant sa Close Up To Fame ngABS-CBN 2.
“Exclusively dating kami ni Sam. Tapos bigla na lang siyang pumasok sa Bahay ni Kuya kaya ayun natigil na ‘yung date namin, nawalan ng kami ng communication. Tapos noong lumabas siya sa Bahay ni Kuya, biglang boom ang kanyang career,” pagbabalik-tanaw ni Bangs.
Magkasama sa seryeng Dyesebel na pinagbibidahan ni Anne Curtis sina Bangs at Sam. Napapag-usapan daw nila ang kanilang nakaraan.
“Magkaeksena kami lagi, eh. Pinag-uusapan namin tapos ayun nagtatawanan na lang kami lagi.”
“Love triangle kami nina Anne at Sam sa ‘Dyesebel’.
“Tapos ayun nga, magkakaeksena kaming tatlo lagi, nakakatawa, ‘di ba?”
Si Anne ay naging girlfriend ni Sam noon.
“Si Sam lang ‘yung guy na idi-nate ko from showbiz.
“Ay si Jake (Cuenca) rin pala, during ‘Palos’ time, sandali lang ‘yun, one week lang ‘yun.”
Ang Palos ay ang seryeng pinagbidahan noon ni Jake Cuenca katambal si Bangs.
“Kasi kabi-break lang nila ni Roxanne (Guinoo). Feeling ko mahal pa rin nila ‘yung isa’t isa.
“So ako na ‘yung nag-back-out.
“Parang ang nangyari na lang tuloy, nagdi-date kami para lang mag-bonding at magkaroon ng chemistry sa ‘Palos’. Parang for chemistry purposes lang ‘yun.”
