HATAW! D'yaryo ng Bayan hatawtabloid.com
ni Reggee Bonoan
WALA pang isang linggong umeere ang Pinoy Big Brother All In ay paborito na kaagad si Manolo Pedrosa ng kapwa niya housemates?
Nang tanungin kasi ni Kuya ang ilang housemates kung sino ang gusto nila at masarap kausap ay iisa ang sinasabi, si Manolo, ang tinaguriang Wonder Son ng Quezon City.
Matagal na naming nakikita si Manolo dahil isa sa spinner ng SpinNation social media program na hino-host ni Jasmin Curtis Smith sa TV5 at balita nga namin ay crush siya ng dalaga.
Kaya pala madalas dumalaw si Sam Concepcion sa live show ng nasabing programa dahil knows niya kung ano ang mga tipo ni Jasmin, chinito tulad niya?
Sa pagkakaalam namin ay sa McDonalds Greenbelt nadiskubre si Manolo ng kanyang manager kasama ang mga barkada niya at tinanong kung type niyang mag-artista at heto, pasok na nga siya.
Kuwento ng taga-SpinNation, ”baby boy namin si Manolo kasi sobrang bait na bata at mahiyain. Sana manalo siya.”
Sa La Salle Greenhills nag-Aaral si Manolo at 3rd year high school na at base sa pagkakaalam namin ay ipinagpaalam na siya ng mommy niya sa school na kasali siya sa PBBAI.
