HATAW! D'yaryo ng Bayan hatawtabloid.com
ni Reggee Bonoan
HANGGANG tenga ang ngiti ng kaibigan naming writer sa programang Celebrity Dance Battledahil nakakuha ng 2.8% ang pilot episode na umere noong nakaraang Sabado, Marso 23.
Nakausap naman namin ang TV executive ng TV5 at sinabing, ”happy ang management kasi after how many years ay at saka bumalik ang dance show ni Lucy (Torres-Gomez) ay inabangan pa rin.
“Siguro maraming nasabik kay Lucy na makikitang sumasayaw ulit, tapos nag-iisang dance show na palabas pa, ‘di ba? Halos lahat serye ang napapanood mo o kaya game at reality shows, siguro nagsawa na ang tao kaya gusto naman nilang maiba.
“’Yun din naman ang naisip namin noong ibalik namin ang dance show ni Lucy, walang dance show ang ABS-CBN at GMA kaya tiyak sabik ang tao sa ganitong concept at mukha naman based on the ratings.
“Mataas na ang 2.8% for a pilot sa TV5 kasi lahat halos ng nag-pilot dito, puro 1 or 1.5% lang except the ‘Confessions of A Torpe’, mataas talaga ‘yun till now. At ang nakatutuwa, maraming sponsors na pumapasok, same with this ‘Celebrity Dance Battle’, maraming inquiries na.”
At para malaman kung bakit naka-2.8% ang Celebrity Dance Battle ay panoorin ito tuwing Sabado sa TV5.
