HATAW! D'yaryo ng Bayan hatawtabloid.com
ni James Ty III
KAHIT naging masakit ang pakikipaghiwalay kay Christian Bautista, tila naka-move-on na ang stage actress at DJ na si Carla Dunareanu. Inamin ni Carla na mula noong naghiwalay sila ni Christian ay lalong dumami ang kanyang trabaho dahil gumawa na siya ng ilang mga stage plays at commercials.
Naging aktibo rin si Carla sa pagiging DJ ng isang FM station at pagiging host sa mga corporate show.
Sa aming pakikipag-uusap kay Carla sa pagbubukas ng isang bagong burger restaurant sa Makati, sinabi niya na naroon pa rin ang kanyang pakikipag-kaibigan kay Christian na naging karelasyon niya sa loob ng isang taon.
Nagkakilala sina Carla at Christian nang nag-taping silang tatlo ni Karylle ng programang The Kitchen Musical sa Singapore na roon nakabase ang pamilya ni Carla.
Wish din ni Carla na gumawa siya ng isa pang pelikula pagkatapos na isinama siya sa isang movie ng Regal Films na ang bida ay sina Jennylyn Mercado at Lovi Poe.
Nakatakdang lumipad si Carla patungong Los Angeles sa susunod na buwan para mag-shoot ng commercial para sa nasabing restaurant.
