HATAW! D'yaryo ng Bayan hatawtabloid.com
RATED R
ni Rommel Gonzales
SA panahon ng mga Mllennial at Gen Z na ang hilig ay magbabad online sa pelikula o games, paano makukumbinsi ni Jeffrey Hidalgo ang mga ito na manood ng live na musical play na tulad ng Jeproks The Musical na pinagbibidahan nila ni David Ezra?
“Ako naman, iyon, I think, kung may bago or parang magiging first time ito na panoorin na musical production, pagdating sa mga Gen X, madaling bentahan, kasi kilala na ‘yung Mike Hanopol songs.
“Actually, ang dami nang nagme-message sa akin, ‘Uy, gusto ko iyan ah!’
“Kasi siyempre, Mike Hanopol eh, classic ‘yan, eh. ‘Yung challenge is, iyon nga, to convince the younger generation kung bakit sila manonood?
“I think, iyon nga, feeling ko, may pagka-woke rin ‘yung story, in a way. Kasi maraming messages doon and may message in the story na I think, relevant siya, hindi lang ngayon, pati rin noong time ng 70s.
“So, kumbaga kahit nagbabago na ‘yung times, same pa rin talaga ‘yung sentiments. ‘Yun din ‘yung napag-usapan din, naka-set siya 70s, pero sometimes… ‘wag niyong isipin na parang kailangan era-appropriate ‘yung ginagawa namin doon. Kasi ang gagawin namin magiging mas contemporary ‘yung language, we’re gonna mix it up.
“Para maka-relate lahat ang iba’t ibang generations.
“May pagka-woke talaga siya eh, because importante rin na parang kahit mayroon tayong mga ideal na inisip, may mga personal opinions tayo, pinaka-importante sa lahat ‘yung pakikinig.”
Ang Jeproks, The Musical ay kuwento ng magkakaibigang Mico (David Ezra), Willie (Jeffrey Hidalgo), at Paulo (Nino Alejandro).
Inspired ito ng mga awitin ng Pinoy rock icon na si Mike Hanopol at mapapanood sa GSIS Theater sa Roxas Boulevard simula ngayong gabi, November 20 to 30, 2025.
Ilan sa hits ni Mike kasama ang The Juan dela Cruz Band ay ang Laki Sa Layaw, Himig Natin, Titser’s Enemi # 1, Balong Malalim, Buhay Amerika, Beep Beep, atmarami pang iba.
Produced ng Tanghalang Una Obra (ni Frannie Zamora na siyang direktor ng musical play) at ng The Hammock Productions, Inc.. Available ang tickets para sa Jeproks, The Musical sa Ticketworld at sawww.ticket2me.net.
