HATAW! D'yaryo ng Bayan hatawtabloid.com
FINALLY, inamin na rin ni Direk Malu Sevilla na mawawala na ang Toda Max nang makausap namin kahapon.
Ilang beses na kasing nasulat na ang bagong sitcom nina John Lloyd Cruz at Toni Gonzaga ang papalit sa Toda Max, pero ilang beses din itong itinanggi sa amin nina direk Malu at executive producer ng show na si Rocky Ubana.
Ani direk Malu rati, ”lagi namang sinasabing mawawala na, pero nandito pa rin kami at nagte-taping. Ganyan talaga Reggs, ‘pag may bagong show, sinasabi mawawala na ‘Toda Max’, hintayin na lang natin kasi wala naman sinasabi ang management.”
Ganito rin ang sinasabi ng EP ng show na si Rocky, ”mataas ratings namin, maganda ang pasok ng sponsors at walang sinasabi ang management, sanay na kami na sinasabing mawawala na, heto pa rin kami.”
At heto, sa Nobyembre 16, Sabado na ang airing ng sitcom nina Lloydie at Toni.
Kaya tinext namin si direk Malu tungkol dito at tumawag naman kaagad, ”yeah, sinabihan na kami ni Ms Linggit (Tan) noong nag-taping kami for Halloween, nandoon yata kayo or nakaalis na kayo?”
Bakit nga ba tatanggalin ang Toda Max, eh, maganda naman ang feedback at maganda rin ang pasok ng sponsors?
“Eh, ganoon talaga kasi let’s admit na hindi na buo ‘yung original cast, nawala na si Robin (Padilla), nawala pa si Pokie (Pokwang), so naiba na talaga ang kuwento.
“Kumbaga, maski na anong gawin mo, paulit-ulit na lang ang kuwento, kaya kumbaga wala ng mababago, so iyon na ‘yun,” paliwanag mabuti sa amin ni direk Malu.
Tinanong namin kung anong bagong project ng grupo ni direk Malu.
“We’ll be having meeting with Ms Linggit next week bago kami mag-last taping day (November 5), kasi November 7, alis na ako (magbabakasyon sa Amerika),” sabi sa amin.
Samantala, tinext din namin si Ai Ai de las Alas tungkol sa nalalapit na pagkawala ng Toda Max at sabi nga niya, pinuntahan sila ni Ms Linggit sa nakaraang taping na ginanap sa Speaker Perez.
“Sanay naman akong nawawalan ng show, pero siyempre minsan, naha-hurt din ako, sanay naman ako sa pain. Pero okay lang ako,” ani Ai Ai.
May birthday wish si Ms A, ”sana magkaroon ako ng sarili kong show.”
Reggee Bonoan
