Bilyonaryo News Channel humakot ng parangal sa PMPC Star Awards

PATULOY sa pag-abante ang Bilyonaryo News Channel na kamakailan lang ay humakot ng mga parangal sa PMPC Star Awards.

Nasungkit ng Agenda nina Korina Sanchez-Roxas at Pinky Webb ang Best News Program.

Natanggap din ni Korina ang parangal na Best Female Newscaster habang kinilala naman ang programa ni Pinky na On Point bilang Best Public Affairs Program. 

Itinanghal bilang Best Lifestyle Host si Marie Lozano para sa Lifestyle Lab habang si Anton Roxas naman ay nasungkit ang Best Sports Host para sa programang The Scorecard.

Nananatiling nakatuon ang BNC sa pag-abot sa mas malawak na audience sa parehong tradisyonal at digital na platform.  

Tumutok sa Bilyonaryo News Channel sa free-to-watch television channel na BEAM TV 31, cable television na Sky Cable 33, Cignal Channel 24, Converge 74, digital media na Cignal Play at official social media pages sa Facebook at Youtube.