Ryza nagpakalbo para sa Lilim: Hindi na nga ako sanay na may buhok

RATED R
ni Rommel Gonzales

PAGPASOK pa lamang ni Ryza Cenon sa Viva Café sa Cubao ay lumapit na siya sa amin at bumeso.

Kaya agad naming napansin ang kanyang semi-kalbo na hairstyle.

Alam namin na noon pang June 2024 nagpakalbo para nga sa Viva Films horror movie na Lilim kaya akala namin ay medyo humaba na ang kanyang buhok.

At during the presscon proper, doon inihayag ni Ryza ang katotohanan.

Aniya, “Mas komportable po ako ngayon sa kalbo. Hindi na po ako sanay na may buhok.

“Every time na maglalagay ako ng wig, hindi po ako sanay.

“Parang hindi ako ‘yun kapag nagwi-wig ako. Naninibago po ako kapag may hair.

“Sa look test pa lang, napansin ko po na mahihirapan talaga ako sa prosthetic kaya ginawan ko po ng paraan.

“Kaya po ako nagpakalbo para hindi mahirapan.

“Para hindi po malimitahan ang galaw ko, ‘yung acting ko.”

Kung may isang bagay na nahirapan si Ryza ay ang kanyang mga dayalog dahil may ibang atake na gusto ang direktor ng Lilim na si Mikhail Red.

“Ang kaibahan po, hindi siya more on pasigaw na karakter na pino-portray ko po.

“More on mata-mata lang and wala pong masyadong lines so talagang mata acting po.”

Bida sa Lilim si Heaven Peralejo kasama sina Eula Valdes, Skywalker David, Mon Confiado at marami pang iba.

Mula sa Viva Films at Studio Viva, ipalalabas sa mga sinehan simula sa Marso 12, 2025.