HATAW! D'yaryo ng Bayan hatawtabloid.com
MATABIL
ni John Fontanilla
MATAGUMPAY ang red carpet premiere night ng pelikulang pinagbibidahan nina Jeric Raval, Ara Mina, Teejay Marquez, at Devon Seron, ang A Journey to Greatness, The Marcos Mamay Story na ginanap sa SM Megamall Cinema 1, hatid ng Mamay Production at idinirehe ni Neil Buboy Tan.
Ang pelikula ay istorya ng buhay ng masipag at napaka-generous na mayor ng Nunungan, Lanao del Norte na si Mayor Marcos Mamay.
Bukod sa star studded ang pelikula, maraming aral ang kapupulutan dito.
Sa matagumpay na pagpapalabas nito tiyak na marami sa nakapanood ang na-inspire sa kanyang pinagdaanan. Ipinakita rin dito kung paano siya nagtagumpay.
Sobrang saya ni Mayor Mamay dahil gusto niyang maging inspirasyon ng mga taong mula sa hirap na puwedeng makamit ang tagumpay basta focus lang, samahan ng dasal, determinasyon at sipag sa trabaho. Walang imposible dahil balang araw ay makakamit din ang inaasam na tagumpay.
Dagdag pa ni Mayor Mamay na halos karamihan ng eksena sa kanilang pelikula ay kapupulutan ng aral at magsisilbing inspirasyon sa lahat ng makakapanood.
“Actually mula sa umpisa ng pelikula hanggang sa katapusan maiiyak kayo.
“Bukod pa sa napakaraming aral na makukuha sa movie, mag-iiwan din ito ng inspirasyon sa lahat na hindi hadlang ang kahirapan para magtagumpay, basta mag-aral ng mabuti, samahan ng sipag, tiyaga, panalangin, at dedikasyon sa ginagawa.”
Kasama rin sa Mamay A Journey to Greatness….The Marcos Mamay Story sina Ron Angeles, Isadora, Mohammed Hassan Ali Marohomsalic, Ali Forbes, Victor Neri, Julio Diaz, Sabrina M and Shiela Delgado.
