Jennylyn sobrang nagpapasalamat  maging parte ng Beautederm family

MATABIL
ni John Fontanilla

SA wakas ay nagsalita na si Jennylyn Mercado kaugnay sa bali-balitang lilipat ito sa ABS CBN.

Sa contract signing at bonggang launching nito bilang newest ambassador ng Beautederm na ginanap sa Solaire North Quezon City  kamakailan ay sinabi nito na mananatili pa rin siyang Kapuso at walang paglipat na magaganap.

Ayon kay Jennylyn, “Ang daming nag-aantay ng sagot na ‘Lilipat ba?’ ganyan. Ako naman po, eh, 20 years na po akong Kapuso and I’m very thankful na hanggang ngayon po, eh, ako po’y Kapuso pa rin.” 

Dagdag pa nito, “Mayroon pong mga nine-nego (negotiate), pero mabilis na lang po ‘yan.

“We’re just waiting for the contract, pero happy pa rin ako na maging Kapuso basta gusto pa rin nila ‘ko, ‘di ba?” 

Sa ngayon ay freelancer si Jennylyn at waiting na lang sa magiging resulta ng negotiation between GMA at sa kanyang management.

Wala rin siyang natatanggap na offer mula sa ABS CBN o sa ibang network.

Sobrang saya ni Jennylyn na maging official ambassador ng newest facial care ng Beautederm na Threemendous TRIO serums — the Cristaux Vitamin C, Cristaux Hydra Beauty, and Cristaux Retinol at nagpapasalamat sa CEO & President ng Beautederm na si Rhea Anicoche-Tan. 

“Happy ako, parati kong sinasabi na masaya akong maging part ng family ng Beautederm.

“Ngayon ko na feel kung gaano  ka-warm si ate Rei, alagang-alaga kaming lahat.”

Ibinahagi rin ni Jennylyn ang aabangan sa kanya ng mga tagahanga.

“’Yung movie at ‘yung album under Star Music.”