HATAW! D'yaryo ng Bayan hatawtabloid.com
TATALAKAYIN ng The Bottomline With Boy Abunda ngayong Sabado (Setyembre 28) ang matinding epekto sa sistema ng politika sa Pilipinas ng kontrobersiyal na priority development assistance fund (PDAF) o mas kilala sa tawag na pork barrel.
Sa pagpapatuloy ng The Pork Barrel Interviews special, makakaharap ng Asia’s King of Talk na si Boy Abunda ang Bayan Muna Representative na si Neri Colmenares upang ipaliwanag ang mga isyu sa likod ng P10-B pork barrel scam na umano’y pinangunahan ni Janet Lim-Napoles.
Sino ang mga dapat managot sa isa sa pinaka-kontrobersiyal na kaso ng korupsiyon sa bansa? Totoo ba na PDAF ang tunay na habol ng mga politiko sa kanilang pagpasok sa gobyerno?
Sa palagay ni Rep. Colmenares, posible bang makulong ang mga senador at kongresista na sangkot sa mga ilegal na transaksiyon at paggamit ng pera ng taubayan?
Makialam sa mga usaping panlipunan at huwag palampasin ang ikatlong linggo ng The Pork Barrel Interviews special ng 2013 USTv Awards Best Public Affairs Talk Showna The Bottomline With Boy Abunda ngayong Sabado, pagkatapos ng Banana Split. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.
Reggee Bonoan
