HATAW! D'yaryo ng Bayan hatawtabloid.com
MATABIL
ni John Fontanilla
THANKFUL si Wize Estabillo sa magandang feedback sa kanya ng netizens bilang host ng It’s Showtime Online.
Maraming netizens ang nagagalingan sa binata bilang host ng online ng It’s Showtime na very lively at may sense ang mga sinasabi. Kaya naman marami ang nagre- request na mapasama na si Wize sa magiging regular host ng noontime show.
Ayon kay Wize, “Sobrang thankful ako sa mga regular at walang sawang nanonood ng ‘It’s Showtime Online’ dahil nagugustuhan nila ‘yung ginagawa ko.
“Masarap sa pakiramdam ‘yung mga taong naa-apreciate ng mga bagay na gusto mong gawin and mas nakai-inspired na mas pagbutihan ko pa ang trabaho ko dahil alam kong may mga napapasaya akong tao.”
Isa sa dream nito na maging regular co-host ng It’s Showtime. “Sino naman po bang ayaw, isang malaking karangalan na maging co-host ka ng ‘It’s Showtime.’ Siguro kung para sa akin ‘yun, mangyayari ‘yun kapag ibinigay ni Lord. Let’s just wait sa tamang oras at panahon.”
Sa ngayon ay happy si Wize sa magagandang nangyayari sa kanyang career, dahil bukod sa It’s Showtime Online ay kaliwa’t kanan ang mga proyektong ginagawa nito.
