HATAW! D'yaryo ng Bayan hatawtabloid.com
MATABIL
ni John Fontanilla
BILANG paghahanda sa ika-14 anibersaryo ngayong 2023, binuksan kamakailan ng Beautéderm Corporationang taon sa isang pagtitipon na minarkahan ang unveiling ng Beautéderm Corporate Headquarters ang sister company ng brand–ang Beauté Beanery.
Sa humigit na isang dekada, nakuha ng Beautéderm ang tiwala ng milyon-milyong loyal consumers bilang isang industry leader sa larangan ng beauty at wellness dahil sa mga ‘di mabilang na mga produkto nito na ngayon ay maituturing nang daily essentials na kinabibilangan ng skin at body care; vitamins at health boosters; home fragrances; mga patented merchandise; at marami pang iba.
Ang business model ng kompanya ay nilikha ng founder nito, ang President at CEO na si Rhea Anicoche-Tan, para mabigyan ang mga consumer ng mga life-changing products na siyang tutulong sa kanila upang makuha ang lakas ng loob na ma-maximize ang kanilang full potential bilang mga indibidwal habang binibigyan naman nito ang mga reseller, distributor, at franchisee ng pangmatagalang kabuhayan na magbibigay sa kanila ng financial independence na mamuhay ng masagana kasama ang kanilang mga pamilya at mga mahal sa buhay.
Sa loob ng halos dalawang taon, sa pamumuno ni Anicoche-Tan, ang buong team ng Beautéderm ay masusing nagplano ng disenyo at pagpapatayo ng Beautéderm Corporate Headquarters sapagkat layunin nito na maging base of operations ang kompanya at maging isang premier lifestyle venue sa Angeles City, Pampanga.
Sa building matatagpuan ang corporate operations ng kampanya at ang iba pang mga negosyo na bahagi ng Beautéderm Group Of Companies gaya ng luxury store na A-List Avenue, na nagbebenta ng mga high-end fashion brands; BeautéHaus, na isa sa mga pangunahing aesthetic clinics sa Northern Luzon; AK Studios, na isang state-of-the-art studio na angkop para sa mga photo shoot at video productions; at ang Beauté Beanery na itinuturing bilang poshest fusion restaurant at café sa Angeles City ngayon.
“Pet project ko ang Beauté Beanery at malapit ito sa puso ko,” sabi ni Anicoche-Tan. “I’ve always wanted to run my own restaurant that reflects my love for excellent service and good food. Bagong endeavor ito at talagang very passionate ako rito.”
Present sa grand ribbon cutting ng Beauté Beanery ang ilan sa mga brand ambassador ng Beautéderm gaya nina Lorna Tolentino, Darren Espanto, Korina Sanchez-Roxas, Anne Feo, Alynna Velasquez, Ynez Veneracion, Boobay, Jane Oineza, DJ Cha Cha, at Sylvia Sanchez. Nakasama rin nila ang Movie Queen na si Bea Alonzo sa opisyal na unveiling ng building na dinaluhan ng mga VIP ng Angeles City at mga opisyal ng lokal na gobyerno gayundin ang mga kaibigan mula sa media na kompletong sumuporta sa pagdiriwang ng espesyal na milestone na ito.
“Beautéderm Corporate Headquarters is truly a dream come true,” payahag ni Anicoche-Tan.
“Each person who ever believed and continue to believe in my vision to contribute a beautéful difference in this world has impacted every brick, metal, and stone of this building. Hindi ko ito nagawa mag-isa – madami ang tumulong sa akin. I dedicate this to all our consumers not only here in the Philippines but around the world as well, to my hardworking staff, to my brand ambassadors, and to all our resellers, distributors, and franchisees. Together, we are ready more than ever, to face the promises of the coming years anew with all our hopes and dreams.”
