Luke at Nina handa na sa kanilang Canada Tour

MATABIL
ni John Fontanilla

TULOY-TULOY ang out of the country shows ng awardwinning RNB singer na si Luke Mejares ngayong 2023 kasama ang soul siren na si Nina.

Lilibutin muli nila ni Nina ang buong Canada via Nina Love Moves  Canada Tour with Luke Mejares na magsisimula sa  Feb. 17  sa Michael J Fox Theater; Feb. 18 sa Kanto Bar & Lounge; Feb. 24 sa Pol-Can Cultural Centre; Feb. 26 sa Christ the Way Church; March 3 sa Lighthouse Theatre; at March 4 sa Toronto Pavilion.

Sobrang  saya ni Luke dahil first quarter pa lang ay sunod-sunod na ang shows na dumarating sa kanya. Bukod sa kanyang Canada Tour ay magkakaroon pa sila ni Nina ng US Tour ngayong taon.

“Sobrang happy and thankful ako John, kasi umpisa pa lang ng taon sunod-sunod na ang projects na dumarating sa akin.

“This coming February to March lilibutin namin ni Nina ang Canada and then mayroon pa kaming US Tour.

“Sana magtuloy-tuloy ‘yung magagandang projects na dumarating sa akin sa buong taon ng 2023,” pagtatapos na pahayag ni Luke.