Ilang kabayo pinarurusahan ng Handicapper

Nakakabahala na posibleng magkaroon ng shortage ng mga kabayong pangarera dahil nalalagay sa piligro ang kaligtasan ng mga kabayo dahil sa isang reglamentong ipinatutupad ng mga handicapper ng tatlong racing club sa Cavite at Batangas.

Kamakalailan ay nagpalabas ng kautusan ang Philippine Racing Commission (Philracom) na nagbabawal ang pagpapataw ng 60 kgs sa mga pangarerang kabayo na inilalahok sa regular na karera upang maiwasan ang pagkakabalda ng mga kabayo.

Subalit, tila hindi ito sinusunod ng mga handicapper ng tatlong karerahan dahil may ilang kabayo ang kanilang pinarurusahan na magdala ng timbang na 60 kgs. sa ilang labanan.

Sa hanay ng mga imported,  ang kabayong Cardinal ay nabalian ng paa sa huling laban nito matapos pagbitbitin ng 60 kgs sa isang laban.

Umiiyak ngayon ang horse owner sa sinapit ng kanyang kabayo dahil hindi nabigyan ng sapat na proteksiyon ng karerahan matapos pisohan ng 60kgs.

Sa darating na Biyernes sa San Lazaro Leisure Park sa Carmora,Cavite isang kalahok na imported na kabayong Sun Tan Tony  ang binigyan ng mabigat na timbang.

Idalangin na lamang natin na hindi madisgrasya ang naturang kabayo dahil sa bigat na pasan-pasan nito.

Ayon sa isang handicapper may panganib na mabawasan ang populasyon ng kabayo sa bansa dahil sa sistimang ipinatutupad ng mga handicapper ng tatlong racing club.

Ni andy yabot