Teejay Marquez naudlot ang pagbabalik-Indonesia

MATABIL
ni John Fontanilla

NAUDLOT ang paglipad patungong Indonesia ni Teejay Marquez ngayong  December para roon mag-celebrate ng  Christmas at New Year.

Dahil nga sunod-sunod ang trabahong ginawa nito at kaliwa’t kanang imbitasyon para umatend sa iba’t ibang party ng mga kompanya ay mas pinili na lang nitong sa Pilipinas mag-celebrate ng Christmas at New Year at para makasama na rin niya ang kanyang minamahal na Lola.

Pero after New Year ay bali- Indonesia na ulit si Teejay para naman simulan ang mga nabinbing proyekto sa nasabing bansa nang mag-stay ito ng matagal sa Pilipinas dahil nagkasunod-sunod ang proyekto.

Wish nito ngayong Kapaskuhan ang patuloy na pagkakaroon ng magandang pangangatawan sampu ng kanyang pamilya, matagumpay na negosyo, at magkaroon ng maraming trabaho sa taong 2023.