Friday , April 11 2025
PHil pinas China

Joint exploration sa WPS, ituloy – Marcos Jr.

KAILANGANG makahanap ng paraan ang Filipinas para matuloy ang paggalugad sa West Philippine Sea (WPS) para sa langis at gas, ayon kay Pangulong Ferdinand R. Marcos, Jr.

Bago bumaba sa poder si Pangulong Rodrigo Duterte noong 23 Hunyo 2022 ay tinuldukan niya ang mga talakayan sa joint exploration ng China at Filipinas sa langis at gas sa WPS.

Noong 2018 lumagda ang dalawang bansa sa isang memorandum of understanding para magsagawa ng joint oil at gas exploration sa lugar.

Sa isang panayam sa media, sinabi ni Marcos Jr., ang administrasyon ay maghahanap ng alternatibong paraan para matugunan ang lumalawak na pangangailangan sa enerhiya ng bansa.

“I think there might be other ways para hindi gawing G2G or I don’t know. We’ll have to find a way kasi kailangan na natin e. We already need — kung may mahanap diyan, kailangan na talaga ng Filipinas,” anang Pangulo sa panayam sa media kahapon.

Aminado ang Pangulo na sagabal sa joint exploration ang territorial claim ng China sa WPS.

“Ang talagang nangyari diyan is what? Kasi kini-claim ng China kanila ‘yun, e atin naman talaga ‘yan,” giit ng Pangulo,

“So sinasabi namin, sinasabi ng Filipinas basta ‘yung batas kailangan masundan ‘yung sa Pinas. Ang sinasabi naman ng Chinese, hindi amin ‘yan e kaya kailangan masundan is Chinese. So ‘yun talaga ang — ‘yun ang roadblock doon. Mahirap makita kung papaano natin aayusin ‘yun,” dagdag niya.

“‘Yung China, hindi man, maliit na bagay sa kanila ‘yan e. Sa atin, malaking bagay ‘yan. So kailangan talaga natin ipaglaban at mapakinabangan kung mayroon mang oil talaga.” (ROSE NOVENARIO)

About Rose Novenario

Check Also

PRC LET

Specialized Licensure Examinations tugon sa Teacher-Subject Mismatch

IKINATUWA ni Senador Win Gatchalian ang paglagda ng isang joint memorandum circular sa pagitan ng …

Chiz Escudero Imee Marcos

Imee desmayado sa ‘di paglagda ni SP Chiz sa contempt order vs special envoy

DESMAYADO si Senadora Imee Marcos, chairman ng Senate committee on foreign relations, nang hindi lagdaan …

Vince Dizon DOTr

Ngayong Semana Santa
Ligtas at maginhawang paglalakbay tiniyak ng DOTR

TINIYAK ni Department of Transportation (DOTr)  Secretary Vince Dizon sa publiko ang maayos at ligtas …

Dead body, feet

Bangkay ng scavenger natagpuan sa hukay ng DPWH sa Pasay City

WALANG BUHAY nang matagpuan ang isang lalaki sa isang hukay ng Department of Public Works …

Arrest Posas Handcuff

Manyakis na helper swak sa selda

SA KULUNGAN bumagsak ng isang  manyakis na may kinahaharap na kasong statutory rape matapos malambat …