Pinay International singer Jos Garcia may bagong single

MATABIL
ni John Fontanilla

NAGLABAS ng bagong single ang Pinay International singer na si Jos Garcia, ang Namimiss Ko Na na siya mismo ang nag-compose.

Excited na nga ang Pinay singer na nakabase sa Japan na marinig ng kanyang mga supporter sa Pilipinas at karatig-Asya ang kanyang bagong awitin, lalong-lalo na sa mga taong may mga nami-miss sa kanilang buhay.

Ayon sa tumatayong manager nito na si Atty. Patrick Famillaran, “Kahapon lang po niya ini-release ‘yung new song, bale own release po niya ito.

“Wala pong  recording label, pero nasa digital platforms na po ito, nasa Spotify, yYoutube, Apple music, Deezer, etc.”

Sinabi pa ni Atty. Patrick na posibleng umuwi ng bansa ngayong taon si Jos para i-promote ang kanyang kanta sa iba’t ibang radio programs, TV shows, at mall shows.

Ang awiting Namimiss Ko Na ay mixed and arranged by Sam Valdecantos at composed and produced by Jos Garcia.