HATAW! D'yaryo ng Bayan hatawtabloid.com
HULI ang limang drug suspect sa isinagawang pagsalakay ng mga operatiba ng Southern Police District – Drug Enforcement Unit (SPD-DEU), District Intel Division, at District Mobile Force Battalion sa isang drug den sa C6 Service Road, Barangay New Lower Bicutan, Taguig City.
Sinabi ni SPD Director, P/BGen. Jimiili Macaraeg, ang drug den ay minamantina ng isa sa mga suspek na si Christopher Estillore Oroyan, 47 anyos, contractor, residente sa C6 Service Road, Barangay New Lower Bicutan, Taguig City.
Apat na umano’y kliyente ni Oroyan, sinasabing gumagamit ng ilegal na droga ang kasamang hinuli na sina Mark Jacinto Mamonon, 46, landlord; Ronaldo Ocampo Marcelino, 55, kapwa residente sa Taguig, habang si Domingo Tabamo Mata, 49, ay dayo mula sa Pateros.
Dakong 12:45 am nang isagawa ang operasyon sa nasabing address.
Nakompiska ang siyam na sachet ng shabu, may bigat na 42 gramo at nagkakahalaga ng ₱285,600.
Isang Colt caliber .45, may serial No. 414829; isang Punisher caliber .45, at isang brown coin purse, ang mga nakuha sa drug den.
Nakapiit pansamantala ang suspek sa District Custodial Facility para sa kaukulang disposisyon habang inihahanda ang mga kasong sa paglabag sa Sections 5, 6 at 11 Republic Act A 9165, at paglabag sa RA 10591. (GINA GARCIA)
