Janine flattered na napasama sa 100 most beautiful faces

PABONGGAHAN
ni Glen P. Sibongga

AMINADO si Janine Gutierrez na na-flatter at nasorpresa siya nang malamang napabilang siya sa 100 Most Beautiful Faces in the world for 2021.

Naniniwala si Janine na magaganda talaga ang mga Filipina kaya marami ang nakapasok sa listahan. Pang-number 78 si Janine sa listahan.

“I think pinakamaganda naman talaga ang Filipina and I’m honored,” ani Janine.

Pero naniniwala ang Marry Me, Marry You lead actress na mas lumalabas ang ganda kapag masaya ang tao at nakapagpapasaya ng iba.

“It really has to come from the inside na masaya ka and you also make the people around you happy.” 

Bukod kay Janine, pasok din sa listahan ang dalawa pang Kapamilya actresses na sina Ivana Alawi (#4) at Liza Soberano (#18). Mula pa noong 2015 consistent nang pumapasok si Liza sa listahan at back-to-back pa ang pagiging number one niya noong 2017 at 2018.

Samantala, nagpapasalamat si Janine sa lahat ng sumusubaybay sa Marry Me, Marry You at hiniling na sana abangan ng mga tao ang mga mangyayari sa nalalapit na pagtatapos ng nasabing  Kapamilya teleserye.