HATAW! D'yaryo ng Bayan hatawtabloid.com
RATED R
ni Rommel Gonzales
NAGBIGAY ng pahayag si To Have And To Hold actress Carla Abellana kung bakit sa susunod na sampung taon ay hindi pa niya maaaring gamitin ang apelyido ng mister niyang si Tom Rodriguez.
Sa bagong video sa kanyang YouTube channel ay ibinahagi ng aktres na hindi pa nare-release ang kanilang marriage certificate at ang kanyang passport na kaka-renew pa lamang at ang iba pa niyang mga papeles at dokumento ay Abelana pa rin ang apelyido.
“None of my IDs say Mott [Tom’s real surname].
“For the longest time, it’s going to stay Abellana because my passport says Abellana and it’s valid for ten years. Bagong-bago lang ang aking passport. Kaka-renew lang so Abellana pa ‘yun for the next 10 years.
“All my government-issued IDs are still Abellana so I have to write Abellana pa rin,” pahayag ni Carla.
Maging ang kanyang mga social media accounts ay ang apelyido pa rin niyang Abellana katulad ng iba pang mga female celebrities na ikinasal na o kakakasal pa lamang kamakailan tulad nina Solenn Heusaff, Jennylyn Mercado at iba pa.
Kung female lead si Carla sa To Have And To Hold ng GMA (along with Max Collins at leading man Rocco Nacino), si Tom naman ay isa sa mga bida sa The World Between Us kasama nina Alden Richards at Jasmine Curtis-Smith.
