‘Fake news’ vs bakuna pananagutin — NCRPO

NAGBABALA ang National Capital Region Police Office (NCRPO) sa lahat ng mga nagpapakalat ng ‘fake news’ tungkol sa pagbabakuna, na mayroong kaakibat na parusa sa ilalim ng Republic Act 11469 Section 6 (F) na nagpapakalat ng maling impormasyon.

Ayon kay NCRPO Regional Director P/MGen. Vicente Danao, Jr., sa kasalukuyang data, ipinakita nito na ang pagpababakuna ay hindi lamang proteksiyon sa sarili bagkus ay pati sa pamilya at komunidad upang mabawasan ang tsansang mahawaan ng virus.

Paliwanag ni NCRPO chief, sa 22,394 personnel tanging 206 o katumbas ng 0.95% ang nahawaan ng virus, habang 14 o 2.95% out of 469 nabakunahan ng first dose at 8 o 0.82% ang nakakompleto ng 2nd dose.

Umabot sa 192 personnel ang hindi nabakunahan 95 o 49.48%  ang nahawa.

Aniya, sa ngayon nasa 22,384 o 97.13% ng NCRPO personnel ay fully vaccinated na habang  475 o 2.04% ay nasa first dose pa lang.

Ang naturang data ng NCRPO ay malapit sa kanilang vision na 100% vaccination standard sa kanilang mga tauhan at tanging 192 o 0.83% ang hindi pa nabakunahan dahil sa  medical condition at iba pang mga kadahilanan.  (GINA GARCIA)