HATAW! D'yaryo ng Bayan hatawtabloid.com
MA at PA
ni Rommel Placente
SA panayam ng Pep.ph kay Kylie Padilla, hiningan siya ng reaksiyon sa pakikipag-date ng ex-husband niyang si Aljur Abrenica kay AJ Raval.
Sabi ni Kylie, ”Alam ninyo, gusto ko lang maging masaya siya sa buhay niya.
“Kasi, siya pa rin ang tatay ng mga anak ko. Kahati ko siya sa pagpapalaki sa kanila.
“And kung nararamdaman ng mga anak ko na hindi masaya ‘yung tatay nila, aba, hindi ko gusto ‘yun.
“Gusto ko maramdaman nila na happy ‘yung tatay nila.”
Ayon pa sa anak ni Robin Padilla, hindi kasalanan ng dalawang anak nila ni Aljur na sina Alas at Axl ang nangyari sa hiwalayan nila.
“Kasi failure namin as parents ‘yung nangyari, so kailangan na namin bumawi in some other way. Kailangan naming masaya in our own separate ways.
“Para makita nila, buo pa rin sila, ‘kasi happy ‘yung parents ko,’ ganoon pa rin sila. Gusto ko ganoon sila mag-isip.”
Kung si Aljur ay nakikipag-date na kay AJ, si Kylie naman ay hindi pa lumalabas na kasama ang ibang lalaki. Wala pa kasing nagpaparamdam sa kanya.
“Wala pa, eh, marami akong friends, pero wala pa ‘yung gusto akong mai-date. Wala pa.”
Nakatutuwa lang si Kylie dahil kahit hiwalay na sila ni Aljur, ay wini-wish pa rin niya ang kaligayahan nito. Siguro, ay maganda ang naging hiwalayan nila, ‘di ba?
