Johannes at Miko walang away

PINABULAANAN ni Bidaman Johannes Rissler ang tsikang magkaaway sila ng kapwa niya Bidaman na si Miko Gallardo.

Totoong may times na hindi sila nagkakaintindihan o nagkakasamaan ng loob pero hindi ito umabot o humantong sa pag-aaway dahil inaayos na nila kaagad sa tulong ng kanilang management.

Bukod sa wala sa bokabolaryo ni Bidaman Johannes ang mang-away, mas gusto niyang mag-focus sa mga positibong bagay at iwasan ang mga negatibo sa paligid.

Masaya nga ito dahil pagpasok pa lang ng 2021 ay sunod-sunod ang magagandang proyekto.

Kuwento nito, kapipirma pa lang niya ng two year contract sa Regal Films with 12 movies.

Hindi pa napag-uusapan kung ano ang unang gagawin niya sa Regal pero kasama siya sa B & J Forever gayundin sa Soul Sister with Karla Estrada, Melai Cantiveros, Jolina Magdangal, Thou Reyes, Jhai Ho atbp. na idinirehe ni Easy Ferrer.

Sobra nga ang pasasalamat nito sa kanyang management, ang Mannix Carancho Artist and Talent Management  ni  Mannix Carancho ng Prestige International at ni Amanda Salas sa pagbibigay sa kanya ng magagandang proyekto.

MATABIL
ni John Fontanilla