Bagong channel ng GMA, kaabang-abang

TULOY ang pag-arangkada ng GMA Network ngayong 2021. Bukod sa sunod-sunod ang mga bagong programang ipinakikila nito, inaabangan na rin ang malaking pagbabago sa isa pa nitong free-to-air channel na GMA News TV simula February 22.

Nagsimula nang umere ang teaser tungkol dito na makikita ang pasilip sa bagong channel logo. Ayon pa sa teaser, ”A big change is about to happen and it’s gonna be good.”

Tila nga senyales na rin ng nasabing “big change” ang mga bagong show na ipinakilala nitong simula pa lang ng taon. Isa sa mga malaking program launch ng GMA News TV ay ang fantasy-romance series na  The Lost Recipe na patok na patok ngayon sa viewers. Nariyan din ang romance fantasy anthology na My Fantastic Pag-ibig na hit sa mga young at young-at-heart. Ang all-original comedy game show na Game of the Gens, target din ang manonood from various generations.

Ang balita naming, patuloy ding mapapanood dito ang mga inaantabayanang newscasts, documentaries, at lifestyle shows. Kaabang-abang talaga ito at siguradong good news ito para sa marami.

Rated R
ni Rommel Gonzales