Julie Anne, gustong makagawa ng kanta para sa ibang singer

BUKOD sa pag-awit, pag-arte, at pagho-host, ang pagsusulat ng awitin ang isa sa kinakarir ngayon ng isa sa host ng The Clash season 3 at Saunday All Stars, si Julie Ann San Jose.

Para hindi naman para sa kanya lang ang mga aawiting kanyang gagawin, gusto rin nitong kantahahin ng iba ang kanyang mga composition.

Masarap kasi sa pakiramdam ng isang singer/composer  na aawitin  ng iba ‘yung mga ginawa niyang kanta.

“Masarap kasi ‘yung feeling na kapag nagsusulat ka ng kanta for other people (singer), para hindi lang ikaw ‘yung kakanta ng sarili mong composition.”

Sa ngayon ay sinisimulan na niyang gumawa ng kanta na isinasabay niya sa kanyang hectic schedules at sa iba pa niyang hilig like painting.

Ang isang hilig nito na hindi niya nagagawa ngayon ay ang pagta-travel lalo na’t marami pang bansa ang hindi tumatanggap ng mga turista dahil  sa Covid-19 pandemic.

MATABIL
ni John Fontanilla