HATAW! D'yaryo ng Bayan hatawtabloid.com
ISA si Kapuso hunk actor at Owe My Love star Benjamin Alves sa mga aktibong nagbabahagi ng kaalaman ukol sa lumalaganap ngayong sakit na COVID-19.
Sa kanyang Instagram post, nag-share si Benjamin ng ilan sa mga epektibong paraan kung paano maiiwasang madapuan ng naturang sakit.
“Hinihikayat po ng Department of Health ang lahat ng pasyente na i-disclose po ang lahat ng impormasyon sa ating healthworkers. Ang tapat na sagot na ibibigay po ninyo ay makakapagligtas din po sa inyong buhay, sa healthworkers, sa ibang frontliners, at sa iba pang pasiyente na kailangan po ng tulong natin,” ani ni Benjamin.
Hinangaan naman ng mga netizen ang mga Kapuso stars na patuloy na nagpapaabot ng kani-kanilang tulong sa mga apektado ng krisis ngayon kahit sa simpleng paraan lamang.
Pabiro namang komento ng isang netizen sa post ni Benjamin, “Thank you for boosting our confidence. Kung ganito ba naman ang makikita ko sa area namin lagi, ewan ko na lang kung sa virus o sayo ako magpapanic.”
Samantala, muling magbabalik-telebisyon si Benjamin kasama si Lovi Poe sa pagbibidahan nilang romance-comedy serye na Owe My Love ng GMA Public Affairs.
Rated R
ni Rommel Gonzales
